عبداللطيف احمد فؤاد: أيوة حعيش وطبعاً حعيش

عبداللطيف احمد فؤاد

حق قلبي يطير لو جناحه مكسور
ولو مِن  غير ريش
من أيام بوش
أنا سفير الأشواق
لكل العشاق
الحزانى المظلومين
اللى عشش في قلوبهم
جذور الأنيين
مِن الآف السنين

٢
بسافر  وبعافر عشان كل قلب
حرقه الحب و وضعه صعب
وراقد فى بستان نور الألحان
وبحقنة عشق يسبق الطيران
٣
أيوة ححَب
و أزرع حَب الُحب
فى أرض القلب
و بمية المحبة يكبر و يسَكَر
و يغنى لينا كل صعب
و يفرح معانا كل شعب
٤
صباحنا عيد بكل ورود
بكل فرحة لُحبنا السعيد
العين بتغنى ومعاها خدود
و نمشي و نطير و الايد فى الايد
وكل الاحبة حوالينا صحبة
٥
زى أسراب طيور فى سما الودود
و ننزل و نمشي و تبوسنا الزهور
و نسيم العصارى يحلّي الليالي
لحبي العالى و لبلدى الغالى
ومجدها وقود للأجيال

كاتب مصري