شو اللي قاعد يصير بأمريكا؟!

كتبت الأستاذة رؤى عربيات عبر صفحتها الشخصية: ليش فجأة صرنا نشوف الشماغ الأحمر بالشوارع الأمريكية؟ وليش صارت الدحية الأردنية تهز مدرجات ومواقف سيارات من تكساس لنيوجيرسي؟ وليش صار الأمريكي يسأل: “شو يعني نشمي؟” بكل بساطة… لأن كمن شاب أردني قرروا يروحوا يشجعوا منتخب بلادهم… لكن اللي صار، إنهم شجعوا الأردن كله. ما كان معهم ميزانيات… ولا شركات إعلام… ولا حملات ترويج بملايين الدولارات… كان معهم شيء واحد فقط… الأردن.🇯🇴 فجأة… بيت شعر أردني وسط أمريكا… قهوة سادة للغريب قبل القريب… شماغات على الأكتاف… دحية وزغاريد وضحكات… وترحيب بكل إنسان وكأنه ضيف في بيت أهله. وفجأة… صار الأمريكي يتعلم معنى الكرم… ومعنى الفزعة… ومعنى “حياك الله”. والأجمل؟ إن العالم كله شاف الأردن كما هو… بلد صغير بالحجم… كبير بالناس. بلد إذا فرح… فرح معه الجميع. والله إن اللي عمله شبابنا هناك، لو اجتمعت شركات الإعلان الكبرى، ولو أنفقت الحكومات مئات الملايين، ما استطاعت أن تصنع صورة أجمل من صورة نشمي يصب القهوة، أو أم أردنية تزغرد، أو شاب يرفع العلم وعيناه مليئتان بالفخر. أنتم ما كنتم مجرد جمهور… أنتم كنتم وزارة سياحة متنقلة… ووزارة ثقافة… ووزارة خارجية… وسفارات تمشي على قدمين. أنتم قدمتم الأردن للعالم بدون خطابات… قدمتموه بالأخلاق. وصدقوني… هناك دول تصرف الملايين حتى يحبها الناس… أما الأردن… فكل ما احتاجه هو مجموعة نشامى قالوا للعالم: “تفضلوا… هذا الأردن الذي نعرفه.” فشكراً من القلب… لكل نشمي حمل العلم… وكل نشمية رفعت الزغرودة… وكل مغترب قطع آلاف الكيلومترات ليقول: “مهما ابتعدنا… الأردن يسكن فينا.” بيض الله وجوهكم… فأنتم لم تكونوا مجرد مشجعين… كنتم حكاية وطن. ✍️ رؤى عربيات شكرًا لنشامى الوطن شباب “غماس بلدي” وعبد السلام...