عبداللطيف أحمد فؤاد: معقولة ممكن تانى القلب يدق

عبداللطيف أحمد فؤاد

طبعا و ليه لأ

قلبي كان حزين سنين

كان متقيد فى السجون

ممكن طعم الحب يذوق

طبعا طبعا و طب ليه لأ

القلب انكمش و بأه أد الحُق

إصفر مِن العطش و سكن الشَق

٢

قلبي لو يتنفس حنان تانى

و يرسم على ورق وأغصانِ

يبقي ليك يا نعمتى مليار حَق

موتور القلب كسلان عايز زَق

و عايز بنج كلي و جرّاح شاطر يشق

تعب الحُب و محتاج يفوق

و يتمشي العصر في باب اللوق

احنا شعب عده ذوق

أهم حاجة حبيبتى نفُوق

و تغنى معايا فالدم يروق

و يخصر و يكبر أكبر شوق

و ترجع لنا قبل الشروق

لبنان و سورية و العراق

٤

عشان أغنى لهوى زمانى

عايز حنان مُرّكز يابانى

عايز أمان لشوقي و أشجانى

و يبطلوا حروب و قصف جنوني

و الضرب بعناقيد قنابل شيطانى

٥

عشان قلبي عمره ما طق

و عمره ما قال للحب الحق لأ

عايز ماء محبة حلوة

عشان كل ثانية يرِق

عايز نغم و شجن و طبلة و    رِق

أصل بحيرة محبتى ماؤها صافي

و قلبي عمره  ما مشى على الشوك حافى

ولا سمع للهجر لأنه الوفي الوافي

يغنى للدنيا أحلى حروفي

بعلم العشاق بلاش الخوفِ

والشُرب مِن إيد الحبيبة

الصافية السكر شيء لطيف

فبسرعة ارسموا عبداللطيف

ابن الجمال الطليعى الشريف

أعلم أولاد الخير حلال الحياة

و الحب والنور فيحبنى الله

كاتب مصري